Page 80 - Wed. H. Bontamps
P. 80
Ut allerletste leedje
Zang: Sharon Suiker
Tekst en muziek: Arjan Langen (met toestemming)
Coupl. ‘t orkes kump noow nog ein kier op
Nog efkes en ut zit d’r op
D’n geluudsman nimp met taegezin
Zien vaste plaats weer in
D’n drummer tik nog ein kier aaf
Nog ein allerletste kier alaaf
Den wet se det ut noow ech is gedaon
Refr. Wannier ut allerletste leedje klink
Den hald ik dich nog ein kier stevig vas
Ein letste leedje veurdet weej nao hoës gaon
Blief heej staon….
Coupl. Zeej gaeve zich nog eine kier
Ut letste leed en dan neet mier
Huul efkes nog geneete weej
Ut is nog neet veurbeej
En nao dees daag, d’n moeie tied
Wil ik dich veur gen gold mier kwiet
Nog eine kier zing ik dit leed veur dich
Refr. Wannier ut allerletste leedje klink
Hald ik dich nog ein kier stevig vas
Ein letste leedje veurdet weej nao hoës gaon
Dus blief nog efkes heej doën beej mich staon
’t Orkes speult door, ut is nog neet gedaon
Dus zing ik na na na na na na na na na
Na na na na na na na
Ein letste leedje veurdet weej nao hoës gaon
Dus blief nog efkes heej doën beej mich staon
-80-
