Page 371 - Os erm Venlo
P. 371
Evacuatie
Evakewasie-Leedje
Tekst van violist en vocalist Lei Frits, bijgenaamd De Golde.
Wijs: Sterrenhemel van Hawaii
Noêit zal ik vergaete dae Jannewarie daag
Det ik oêt mien stedje woord gejaag
De Grünne poletsei kinde gen medelij
Vrouw en kinder, alle meuste mij
Noêit zal ik vergaete, die reis in den trein
Ze klaagden van hônger en kalde bein
Kinder op den erm, begaasje in de hand
Zoê trokke weej, nao ‘t Noorden van ôs land
Noêit zal ik vergaete de kelder in Genuû
Och waat zoote dao toch dieke vluû
Ik zal ‘t noêit vergaete, ‘t waas dao ouk neet pluûs
De minse zoôte al ônder de luûs
Dao heerste toen ouk den bitterste noêt
Ze hadde nog neet miêr ein klein stökske broêd
Kinder op den erm, begaasje in de hand
Zoê trokke weej, nao ‘t Noorden van ôs land
Noêit zal ik vergaete den tippel door de sniê
Och wat deêj mich toen mien hertje wiê
Baove op den berg dao woord ‘t mich te erg
Staedje waat wuûrd toch van dich geverg
Dao heb ik gelaote nog ‘n inkele traon
Maar ik woord toch gedwônge weg te gaon
Kinder op den erm, begaasje in de hand
Zoê trokke weej, nao ‘t Noorden van ôs land
-370- -371-
